EU, EEA ਅਤੇ ਯੂਕੇ

GDPR ਅਤੇ ePrivacy: ਪਹਿਲੀ ਕੂਕੀ ਤੋਂ ਪਹਿਲਾਂ ਸਹਿਮਤੀ

EU, EEA ਅਤੇ ਯੂਕੇ ਵਿੱਚ ਜੋ ਵੀ ਬਿਲਕੁਲ ਜ਼ਰੂਰੀ ਨਹੀਂ, ਉਹ ਵਿਜ਼ਿਟਰ ਦੀ ਹਾਂ ਦੀ ਉਡੀਕ ਕਰਦਾ ਹੈ। ਉਦੋਂ ਤੱਕ ConnectWiz ਹਰ ਟੈਗ ਨੂੰ ਰੋਕ ਕੇ ਰੱਖਦਾ ਹੈ, "ਸਭ ਰੱਦ ਕਰੋ" ਨੂੰ "ਸਭ ਸਵੀਕਾਰ ਕਰੋ" ਦੇ ਬਿਲਕੁਲ ਨਾਲ ਰੱਖਦਾ ਹੈ, ਅਤੇ ਹਰ ਚੋਣ ਦਰਜ ਕਰਦਾ ਹੈ।

ਵਿਜ਼ਿਟਰ ਦੇ ਚੁਣਨ ਤੱਕ ਸਭ ਬੰਦ ਪਹਿਲੀ ਪਰਤ 'ਤੇ ਹੀ "ਸਭ ਰੱਦ ਕਰੋ" ਹਰ ਚੋਣ ਦਰਜ

ਕਾਨੂੰਨੀ ਸਲਾਹ ਨਹੀਂ

ਇਹ ਪੇਜ ਕਾਨੂੰਨ ਨੂੰ ਉਵੇਂ ਦੱਸਦਾ ਹੈ ਜਿਵੇਂ ਅਸੀਂ ਉਸ ਨੂੰ 5 ਨਵੰਬਰ 2026 ਨੂੰ ਸਮਝਦੇ ਹਾਂ, ਅਤੇ ਇਹ ਵੀ ਕਿ ConnectWiz ਕਿਵੇਂ ਕੰਮ ਕਰਦਾ ਹੈ। ਇਹ ਕਾਨੂੰਨੀ ਸਲਾਹ ਨਹੀਂ ਹੈ, ਅਤੇ ਸਿਰਫ਼ ConnectWiz ਵਰਤਣ ਨਾਲ ਕੋਈ ਵੈੱਬਸਾਈਟ ਆਪਣੇ-ਆਪ ਕਾਨੂੰਨ ਮੁਤਾਬਕ ਨਹੀਂ ਹੋ ਜਾਂਦੀ। ਸ਼ੱਕ ਹੋਵੇ ਤਾਂ ਆਪਣੇ ਬਾਜ਼ਾਰ ਨੂੰ ਜਾਣਨ ਵਾਲੇ ਕਿਸੇ ਵਕੀਲ ਤੋਂ ਪੁੱਛੋ।

ਕਾਨੂੰਨ ਕੀ ਮੰਗਦਾ ਹੈ

ਪਹਿਲਾਂ ਸਹਿਮਤੀ — ਅਤੇ ਅਜਿਹੀ ਸਹਿਮਤੀ ਜੋ ਮੰਨੀ ਜਾਵੇ

ਕੁਝ ਵੀ ਰੱਖਣ ਤੋਂ ਪਹਿਲਾਂ ਸਹਿਮਤੀ

ePrivacy ਨਿਰਦੇਸ਼ ਦੇ ਅਨੁਛੇਦ 5(3) ਤਹਿਤ, ਵਿਜ਼ਿਟਰ ਦੇ ਡਿਵਾਈਸ 'ਤੇ ਕੁਝ ਵੀ ਰੱਖਣ ਜਾਂ ਪੜ੍ਹਨ ਲਈ — ਕੂਕੀਜ਼, ਲੋਕਲ ਸਟੋਰੇਜ, ਪਿਕਸਲ — ਸਹਿਮਤੀ ਚਾਹੀਦੀ ਹੈ, ਜਦੋਂ ਤੱਕ ਉਹ ਵਿਜ਼ਿਟਰ ਦੀ ਮੰਗੀ ਕਿਸੇ ਸੇਵਾ ਲਈ ਬਿਲਕੁਲ ਜ਼ਰੂਰੀ ਨਾ ਹੋਵੇ। EU ਕਾਨੂੰਨ ਵਿੱਚ ਅੱਜ ਐਨਾਲਿਟਿਕਸ ਲਈ ਕੋਈ ਛੋਟ ਨਹੀਂ।

ਸਾਫ਼ ਅਤੇ ਆਜ਼ਾਦ ਚੋਣ

ਸਹਿਮਤੀ ਆਪਣੀ ਮਰਜ਼ੀ ਨਾਲ, ਕਿਸੇ ਖਾਸ ਮਕਸਦ ਲਈ, ਪੂਰੀ ਜਾਣਕਾਰੀ ਨਾਲ ਅਤੇ ਬਿਨਾਂ ਕਿਸੇ ਦੁਬਿਧਾ ਦੇ ਦਿੱਤੀ ਜਾਣੀ ਚਾਹੀਦੀ ਹੈ। ਪਹਿਲਾਂ ਤੋਂ ਟਿੱਕ ਕੀਤੇ ਚੈੱਕਬਾਕਸ ਨਹੀਂ ਗਿਣੇ ਜਾਂਦੇ, ਬ੍ਰਾਊਜ਼ ਕਰਦੇ ਰਹਿਣਾ ਸਹਿਮਤੀ ਨਹੀਂ, ਅਤੇ ਸਾਈਟ ਤੱਕ ਪਹੁੰਚ ਸਵੀਕਾਰ ਕਰਨ 'ਤੇ ਨਿਰਭਰ ਨਹੀਂ ਕਰ ਸਕਦੀ।

ਪਹਿਲੀ ਪਰਤ 'ਤੇ ਇਨਕਾਰ

ਜ਼ਿਆਦਾਤਰ ਅਥਾਰਟੀਆਂ ਅਜਿਹੀ ਪਹਿਲੀ ਪਰਤ ਨੂੰ ਉਲੰਘਣਾ ਮੰਨਦੀਆਂ ਹਨ ਜਿਸ ਵਿੱਚ ਸਵੀਕਾਰ ਦਾ ਬਟਨ ਤਾਂ ਹੋਵੇ ਪਰ ਇਨਕਾਰ ਦੀ ਚੋਣ ਨਾ ਹੋਵੇ (ਯੂਰਪੀ ਡਾਟਾ ਸੁਰੱਖਿਆ ਬੋਰਡ EDPB ਦੀ ਕੂਕੀ ਬੈਨਰ ਟਾਸਕਫ਼ੋਰਸ, ਜਨਵਰੀ 2023)। ਸਹਿਮਤੀ ਵਾਪਸ ਲੈਣਾ ਉਨਾ ਹੀ ਸੌਖਾ ਹੋਣਾ ਚਾਹੀਦਾ ਹੈ ਜਿੰਨਾ ਸਹਿਮਤੀ ਦੇਣਾ।

ਸਬੂਤ

ਤੁਹਾਨੂੰ ਦਿਖਾ ਸਕਣਾ ਚਾਹੀਦਾ ਹੈ ਕਿ ਸਹਿਮਤੀ ਦਿੱਤੀ ਗਈ ਸੀ (GDPR ਅਨੁਛੇਦ 7(1))।

5 ਫ਼ਰਵਰੀ 2026 ਤੋਂ ਯੂਕੇ

Data (Use and Access) Act 2025 ਨੇ ਛੋਟਾਂ ਜੋੜੀਆਂ: ਸਾਈਟ ਸੁਧਾਰਨ ਲਈ ਵਰਤੇ ਜਾਂਦੇ ਅੰਕੜਿਆਂ ਲਈ, ਅਤੇ ਸਾਈਟ ਨੂੰ ਵਿਜ਼ਿਟਰ ਮੁਤਾਬਕ ਢਾਲਣ ਲਈ — ਹਰ ਇੱਕ ਨਾਲ ਇਤਰਾਜ਼ ਕਰਨ ਦਾ ਸੌਖਾ ਅਤੇ ਮੁਫ਼ਤ ਤਰੀਕਾ। ICO (ਯੂਕੇ ਦਾ ਡਾਟਾ ਸੁਰੱਖਿਆ ਰੈਗੂਲੇਟਰ) ਕਹਿੰਦਾ ਹੈ ਕਿ ਇਨ੍ਹਾਂ ਵਿੱਚੋਂ ਕੋਈ ਵੀ ਛੋਟ ਇਸ਼ਤਿਹਾਰਾਂ 'ਤੇ ਲਾਗੂ ਨਹੀਂ ਹੁੰਦੀ।

ਕਾਰਵਾਈ ਵੀ ਹੋਈ ਹੈ

1 ਸਤੰਬਰ 2025 ਨੂੰ ਫ਼ਰਾਂਸ ਦੀ CNIL ਨੇ ਬਿਨਾਂ ਜਾਇਜ਼ ਸਹਿਮਤੀ ਦੇ ਰੱਖੀਆਂ ਕੂਕੀਜ਼ ਲਈ Google ਨੂੰ €32.5 ਕਰੋੜ ਅਤੇ Shein ਨੂੰ €15 ਕਰੋੜ ਜੁਰਮਾਨਾ ਕੀਤਾ।

ਕੀ ਬਦਲ ਸਕਦਾ ਹੈ: ਯੂਰਪੀ ਕਮਿਸ਼ਨ ਦੇ Digital Omnibus ਪ੍ਰਸਤਾਵ (ਨਵੰਬਰ 2025) ਵਿੱਚ ਅਜਿਹੇ ਮਕਸਦ ਜੋੜਨ ਦੀ ਗੱਲ ਹੈ ਜਿਨ੍ਹਾਂ ਲਈ ਸਹਿਮਤੀ ਨਾ ਚਾਹੀਦੀ ਹੋਵੇ, ਜਿਵੇਂ ਕੁੱਲ ਅੰਕੜਿਆਂ ਵਿੱਚ ਔਡੀਅੰਸ ਦਾ ਮਾਪ। ਯੂਰਪੀ ਸੰਘ ਦੀ ਕੌਂਸਲ ਨੇ 21 ਅਕਤੂਬਰ 2026 ਨੂੰ ਆਪਣਾ ਪੱਖ ਤੈਅ ਕਰ ਲਿਆ; ਯੂਰਪੀ ਸੰਸਦ ਨੇ ਅਜੇ ਨਹੀਂ, ਅਤੇ ਕਾਨੂੰਨ ਅਜੇ ਬਦਲਿਆ ਨਹੀਂ।

ConnectWiz ਵਿੱਚ

ਹਰ ਟੈਗ ਵਿਜ਼ਿਟਰ ਦੀ ਚੋਣ ਦੀ ਉਡੀਕ ਕਰਦਾ ਹੈ

EU ਅਤੇ EEA, ਯੂਕੇ ਅਤੇ ਸਵਿਟਜ਼ਰਲੈਂਡ "ਪਹਿਲਾਂ ਸਹਿਮਤੀ" 'ਤੇ ਲੌਕ ਹਨ: ਇਨ੍ਹਾਂ ਲਈ ਕੋਈ ਖੇਤਰ ਨਿਯਮ ਕੂਕੀਜ਼ ਪਹਿਲਾਂ ਤੋਂ ਚਾਲੂ ਨਹੀਂ ਕਰ ਸਕਦਾ।

ਪਹਿਲੇ ਟੈਗ ਤੋਂ ਪਹਿਲਾਂ ਹੀ ਸਭ ਬੰਦ

ਤੁਹਾਡੇ ਪੇਜ ਦੀਆਂ ਪਹਿਲੀਆਂ ਲਾਈਨਾਂ ਵਿੱਚ ਹੀ ਹਰ ਸਿਗਨਲ denied 'ਤੇ ਸੈੱਟ ਹੋ ਜਾਂਦਾ ਹੈ, ਕਿਸੇ ਵੀ ਟੈਗ ਦੇ ਚੱਲ ਸਕਣ ਤੋਂ ਪਹਿਲਾਂ।

ਤਿੰਨ ਬਟਨ, ਇੱਕੋ ਜਿਹੇ

"ਸਭ ਸਵੀਕਾਰ ਕਰੋ", "ਸਭ ਰੱਦ ਕਰੋ" ਅਤੇ "ਤਰਜੀਹਾਂ" ਪਹਿਲੀ ਪਰਤ 'ਤੇ ਬਿਲਕੁਲ ਇੱਕੋ ਜਿਹੇ ਦਿਸਦੇ ਹਨ, ਬੈਨਰ ਦਾ ਡਿਜ਼ਾਈਨ ਟੈਂਪਲੇਟ ਕੋਈ ਵੀ ਹੋਵੇ। ਹਰ ਚੈੱਕਬਾਕਸ ਖਾਲੀ ਸ਼ੁਰੂ ਹੁੰਦਾ ਹੈ, ਅਤੇ ਬੈਨਰ ਕਦੇ ਪੇਜ ਨੂੰ ਨਹੀਂ ਰੋਕਦਾ।

ਕਿਸੇ ਵੀ ਪੇਜ ਤੋਂ ਸਹਿਮਤੀ ਵਾਪਸ

ਕੂਕੀ ਬਟਨ ਹਰ ਪੇਜ 'ਤੇ ਰਹਿੰਦਾ ਹੈ। ਸਹਿਮਤੀ ਵਾਪਸ ਲੈਣ 'ਤੇ ਉਸ ਸ਼੍ਰੇਣੀ ਦੀਆਂ ਜਾਣੀਆਂ-ਪਛਾਣੀਆਂ ਕੂਕੀਜ਼ ਮਿਟ ਜਾਂਦੀਆਂ ਹਨ।

ਹਰ ਚੋਣ ਦਾ ਰਿਕਾਰਡ

ਹਰ ਚੋਣ ਦਰਜ ਹੁੰਦੀ ਹੈ ਅਤੇ ਡਿਫ਼ਾਲਟ ਤੌਰ 'ਤੇ 13 ਮਹੀਨੇ ਰੱਖੀ ਜਾਂਦੀ ਹੈ; ਇਹ ਮਿਆਦ 12 ਤੋਂ 120 ਮਹੀਨਿਆਂ ਵਿਚਕਾਰ ਬਦਲੀ ਜਾ ਸਕਦੀ ਹੈ।

ਖਾਸ ਮਕਸਦ, ਪੂਰੀ ਜਾਣਕਾਰੀ

ਹਰ ਸ਼੍ਰੇਣੀ ਦੀ ਆਪਣੀ ਲਾਈਨ — ਉਸ ਦਾ ਮਕਸਦ, ਉਸ ਦੇ ਪ੍ਰਦਾਤਾ, ਉਹ ਦੇਸ਼ ਜਿੱਥੇ ਡਾਟਾ ਜਾ ਸਕਦਾ ਹੈ, ਅਤੇ ਹਰ ਕੂਕੀ।

ਇਨਕਾਰ ਤੋਂ ਬਾਅਦ ਵਾਰ-ਵਾਰ ਨਹੀਂ ਪੁੱਛਿਆ ਜਾਂਦਾ

ਹਾਂ ਤੋਂ ਬਾਅਦ ਬੈਨਰ 1 ਤੋਂ 12 ਮਹੀਨਿਆਂ ਵਿੱਚ ਵਾਪਸ ਆਉਂਦਾ ਹੈ, "ਸਭ ਰੱਦ ਕਰੋ" ਤੋਂ ਬਾਅਦ 6 ਤੋਂ 12 ਮਹੀਨਿਆਂ ਵਿੱਚ — ਇਸ ਤੋਂ ਪਹਿਲਾਂ ਕਦੇ ਨਹੀਂ।

ਯੂਕੇ ਦੀਆਂ ਨਵੀਆਂ ਛੋਟਾਂ — ਅੰਕੜਿਆਂ ਵਾਲੀ ਅਤੇ ਸਾਈਟ ਨੂੰ ਵਿਜ਼ਿਟਰ ਮੁਤਾਬਕ ਢਾਲਣ ਵਾਲੀ — ਵਰਤੀਆਂ ਨਹੀਂ ਜਾਂਦੀਆਂ: ਯੂਕੇ ਵਿੱਚ ਐਨਾਲਿਟਿਕਸ ਉਦੋਂ ਤੱਕ ਬੰਦ ਰਹਿੰਦਾ ਹੈ ਜਦੋਂ ਤੱਕ ਵਿਜ਼ਿਟਰ ਉਸ ਨੂੰ ਸਵੀਕਾਰ ਨਾ ਕਰੇ, ਜੋ ਹੁਣ ਕਾਨੂੰਨ ਦੀ ਮੰਗ ਨਾਲੋਂ ਵੀ ਸਖਤ ਹੈ।

ਤੁਹਾਡੀ ਜ਼ਿੰਮੇਵਾਰੀ

ਤੁਹਾਨੂੰ ਅਜੇ ਵੀ ਕੀ ਕਰਨਾ ਹੈ

ਬੈਨਰ ConnectWiz ਚਲਾਉਂਦਾ ਹੈ ਅਤੇ ਰਿਕਾਰਡ ਵੀ ਉਹੀ ਰੱਖਦਾ ਹੈ। ਇਹ ਕਦਮ ਤੁਹਾਡੀ ਜ਼ਿੰਮੇਵਾਰੀ ਹਨ।

  • ਆਪਣੀ ਸਾਈਟ ਵੱਲੋਂ ਰੱਖੀ ਹਰ ਕੂਕੀ ਦੀ ਸੂਚੀ ਬਣਾਓ — ਤੁਹਾਡੀਆਂ ਆਪਣੀਆਂ ਕੂਕੀਜ਼ ਸਮੇਤ: ਸਕੈਨ ਚਲਾਓ ਅਤੇ ਆਪਣੇ-ਆਪ ਅੱਪਡੇਟ ਹੋਣ ਵਾਲੀ ਕੂਕੀ ਘੋਸ਼ਣਾ ਆਪਣੇ ਕੂਕੀ ਨੀਤੀ ਵਾਲੇ ਪੇਜ 'ਤੇ ਲਗਾਓ।
  • ਆਪਣਾ ਪਰਦੇਦਾਰੀ ਨੋਟਿਸ ਅਤੇ ਕੂਕੀ ਨੀਤੀ ਲਿਖੋ, ਅਤੇ ਬੈਨਰ ਤੋਂ ਨੀਤੀ ਦਾ ਲਿੰਕ ਦਿਓ।
  • ਟੈਗ ਸਿਰਫ਼ ਸਹਿਮਤੀ ਦੇ ਰਾਹੀਂ ਲੋਡ ਕਰੋ। ਜੋ ਟੈਗ ਸਹਿਮਤੀ ਵਾਲੇ ਕੋਡ ਤੋਂ ਪਹਿਲਾਂ ਚੱਲ ਪੈਂਦਾ ਹੈ, ਉਹ ਸਹਿਮਤੀ ਨੂੰ ਅਣਡਿੱਠ ਕਰ ਦਿੰਦਾ ਹੈ।
  • ConnectWiz ਨੂੰ ਪ੍ਰੋਸੈਸਰ ਵਜੋਂ ਦਰਜ ਕਰੋ — ਆਪਣੇ ਪਰਦੇਦਾਰੀ ਨੋਟਿਸ ਵਿੱਚ — ਅਤੇ ਡਾਟਾ ਪ੍ਰੋਸੈਸਿੰਗ ਇਕਰਾਰਨਾਮੇ 'ਤੇ ਦਸਤਖਤ ਕਰੋ।

ਪੂਰਾ ਵੇਰਵਾ, ਸਰੋਤਾਂ ਸਮੇਤ

ਗਾਈਡ ਵਿੱਚ ਹਰ ਨਿਯਮ ਹੋਰ ਡੂੰਘਾਈ ਨਾਲ ਸਮਝਾਇਆ ਗਿਆ ਹੈ — ਉਸ ਨੂੰ ਲਾਗੂ ਕਰਨ ਵਾਲੀਆਂ ਸੈਟਿੰਗਾਂ ਅਤੇ ਮੂਲ ਲਿਖਤਾਂ ਦੇ ਲਿੰਕਾਂ ਸਮੇਤ।